IREO MPITANDRINA NIFANDIMBY
IREO MPITANDRINA
Inona moa no atao hoe Mpitandrina
Araka ny foto-dalana sy ny Fitsipika anatiny ao amin'ny FJKM (Fiangonan'i Jesoa Kristy eto Madagasikara) no jerentsika, dia izay mahatsiaro ny tenany fa voaantson’Andriamanitra ka niomana sy nianatra ara-dalana tao amin’ny kolejy teolojika na faculté de teolojia ary natokana ho amin’ny fanompoana masina ao amin’ny Fiangonana.
Raha eto anivonn’y FJKM no resahina dia Mpitandrina no iantsoana ny Mpitondra fivavahana fa tsy mba mitovy amin’ny antokom-pinoanana hafa, izany hoe izy no mikarakara ny ondrin’Andriamanitra, misahana ny ondriny sy ny miandry ny ondriny amin’ny fahavalony rehetra izay mety mitondra fampianaran-diso na mitarika azy amin'ny lalan-tsy izy. Mpamahana azy amin'ny tenin’Andriamanitra araka ny hevitry ny anarany satria ny mpitandrina dia toy ny olona iray manao fiandrasan’ondry no anton-draharahany.
Midika ihany koa hoe ministry ny fiangonana protestanta , raha araka ny heviny sy ny zava-kendreny ary tsy hafa amin’y anarana niantsoan’I Jesoa ny tenany ny mpitandrina na mpiandry ondry fa hoy Izy “Izaho no mpiandry tsara, mpiandry tsara, manolotra ny ainy hamonjy ny ondry”. Izy no mpiandry lehibe indrindra sady lohan’ny mpiandry rehetra sady natao ho medelin’izy rehetra koa, ny Mpitandrina izany raha adika fohy dia hoe Olona nofidin'i Kristy manokana
Maromaro ny teny hentina milazana ny mpitandrina na ny loholona hita ao amin’ny fanekena vaovao (Testamenta Vaovao) ary tsy latsaky ny in-dimy izany, nalaina avy amin’ny teny hoe “Eveka” koa ny teny hoe MPITANDRINA, ampiasaina matetika ilazana mpitan-draharaha indrindra fa ireo mpanao raharaha samihafa momba ny tanana tao amin’ny fiarahamonina grika koa tamin’ny taonjato faharoa (II)
Taty aorian’ny nanorenan’ny fiangonana voalohany dia azo lazaina fa maro ny olona no efa nanaiky ny maha andraikitra lehibe ny maha mpitandrina indrindra teo anivon’ny fiangonana sy ny fiarahamonina misy azy. Nanana Mpitandrina nifandimby ny Fitandremana Andranoro.
IREO MPITANDRINA NIFANDIMBY
Raha mijoro ny fiangonana tamin’ny 1864 dia tsy nisy mpitandrina fa nifandimby nitarika izany ny kristiana havanambanana tamin’ny fitarihana, teo amin’ny fanompoam-pivavahana sy raharaha mety hilana mpitarika ary ireo nafana fo no nikely aina nitarika ny fanompoam-pivavahana fa tamin’ny taona 1874 kosa dia natsangana ho mpitondra sady mpitandrina I tompokolahy RALAMBOFARANTSA
Ireo Mpitandrina nifandimby
nanomboka izany i Tkpl RALAMBOFARANTSA Mpitandrina.
II.3.2 Ireo asa sahanin’ny Mpitandrina
Raha ny hitantsika teo anefa dia tsy hary nandalo toeram-panomanana avokoa ireo mpitandrina nifanesy tao amin’ny fitandremana Andranoro fa noho ny hai-zatra fotsiny ny asa nosahaniny, nefa na izany tsy mifanipaka velively amin’ny foto-dalana sy fitsipika nofaritan’ny synoda lehiben’ny FJKM taty aoriana izay milaza ny asa sahin’ny mpitandrina “adidin’ny mpitandrina ny mitory sy mampianatra ny tenin’Andriamanitra ary miandraikitra ny fanatanterahana ny sakramenta sy manatanteraka ny asa rehetra maha mpitandrina azy”, hita eto amin’ity andininy ity fa laharam-pahamehana voalohany amin’ny asan’ny mpitandrina ny fitoriana sy fampianarana ny tenin’Andriamanitra.
Toy ny Mesia (Kristy) ilay mpanompon’I Jehovah araka an’I Isaia II , mampionona ny olona manitsy sy manamboatra ary mananatra ny maditra manolo-tsaina ny reraka, indrindra ny hampitodika ny olona indray amin’Andriamanitra.
Tahaka izay nataon'ilay zanak’Andriamanitra no hany ataony ety an-tany araka izay voalazany heo: “Ny zanak’olona tsy tonga mba hotompoina …” , tsy hotompoina fa hanompo ny fiangonana.
“Tsy afaka manao izay tiany atao ny olona nofidian’Andriamanitra(Mpitandrina) fa hanao ny asany noho izy lasa andevoni Kristy” hoy Ramambasoa Joseph Mitandrina , noho izany dia tsy asiana fepetra ny fanompoana fa raha ilaina aza dia mety ihatra amin’ny fanolorana aina ho avotra na atao sorona ahatanteraka ny zara fanompoana dia ny FITORIANA NY FILAZANTSARA amin’ny olombelona rehetra.
Izany indrindra no nanafaran’ny apostoly Paoly hoe “mitoria ny teny, mazotoa, na amin’ny fotoana na tsy amin’ny fotoana, mandrese lahatra, mamporisiha, mananara mafy amin’ny faharim-po sy ny fampianarana rehetra” , adidy lehibe tsy azon’ny mpitandrina ialana izany, baiko nomen’ny Tompo ny fitoriana ny fampianarana ny filazantsara amin’ny olombelona rehetra.
Hoy I Paoly Apostoly raha nilaza ny halehibeazan’izany adidy sy andraikitra izany “Lozako raha tsy mitory ny filazantsara aho”, marihina fa tsy niantso olona hidonanam-poana tsy akory ny Tompo fa misy asa sy andraikitra ary toerana voafaritra tsara iantsoana ny mpitandrina ka nahatonga azy ho tia ny olombelona rehetra, te hamonjy azy ary mikaroka amin’ny fomba rehetra handraisany ny teny soa mahafaly.
Hitantsika tany aloha fa ny hevitry ny anarana hoe “Mpitandrina dia manao ho anton-draharaha ny fiandrasana ny ondry, io ilay nanafaran’ny Tompo an’I Petera “fahano ary ny ondriko…, andraso ary ny ondriko… fahano ary ny ondriko”
Araka izany ny asan’ny mpitandrina dia asa mahasahana ny olona rehetra sy ny olona manontolo mihitsy, noho izany tsy mora ny asan’ny mpitandrina fa misedra olana ihany koa.
(Araka ny Mpitandrina Vongo Saiens Gloco/ Zanaky ny Fiangonana)
II.3.4 Ireo zanaky ny Fiangonana tonga ho mpitandrina
Andriamanitra dia miantso olona mandrakariva mba hanehoanay ny voninahiny sy hiara-miasa aminy amin’ny fampielezana ny filazantsara ary izy mihitsy no miteny fa “Indro izaho momba anareo mandrakariva” sy ny hoe “Hatry ny fony hianao tsy mbola noforoniko tany ankibo no efa fantatro, ary hatry ny fony hianao tsy mbola teraka no efa nohamasiniko sy notendreko ho mpaminany ho an’ny firenena” , izany hoe Andriamanitra mihitsy no mifidy izay tiany hiara-miasa aminy sy tompon’andraikitra amin’ny olona heveriny hanao ny asany, koa anisan’ny nanehoany izany ireo olona teo anivon’ny Fiangonana Andranoro mba ho vavolombelony eo anivon’ny fiarahamonina misy azy ireo.
Noho izany dia ireto avy ireo nantsangany teo anatin’ny maro hanao asa manokana dia ny ho mpitandrina izany.
- Itompokolahy RASON mpitandrina
- Itompokolahy RANDRIAMORASATA mpitandrina
- Itompokolahy RAZAFIMANANTSOA mpitandrina
- ROBSON Rado Lalaina Johary
Ireo efa nisahana ny katekista nomen’ny LMS andraikitra teo anivon’ny Fiangonana
Itompokolahy James RAJONSON
Itompokolahy Edmond RANDRIAMOSE
Itompokolahy Alphonse RAZAFINDRAKOTO
Itompokolahy Jean RAKOTOZAFY
Itompokolahy Beni RAZAFIALIVONISON
Ny Mpitandrina Vongo Saens Glauco
Eto amparanana dia tsara ihany koa ny manamarika fa manana Mpampianatra izay nandalo fotoam-piofonana tany amin'ny FJKM FOIBE ny Fiangonana.
|
